Nyevimata

Angluno konferencija te lasharas le sastyimasko biegaliteto andej Europa perdal Human Recource Capacity Building

Iskirin ande tyo kalendari pe

Angluno konferencija te lasharas le sastyimasko biegaliteto andej Europa

perdal Human Recource Capacity Building

le CHANCE projektosko andre sikavipe

E konferencija lela than ande la Pechake Sastyarengi Shkola, Klinikaki Infektologija thaj Migracijako Sastyipe thaj CHANCE konzorcija. 2013, sept. 5-7, Pecha, Ungro.

La konferencijake thaj la registracijake informaciji pala 2013. januari 15-to dyes avla resle, zhi kodi vrama iskirin ande tyo kalendari thaj mang slobodo vrama tye sherunestar! :)

Te kamesas te rodes maj but informaciji, iskirin le organizimaske gruposke pe This email address is being protected from spambots. You need JavaScript enabled to view it.. Thaj dikh le http://www.mighealth-unipecs.eu/ webrig, kajso amare programura thaj amare aktivitetura sikadej le.

Romenge sastyimaske nyevimasko lil, 2-to avri dipe – 2012. septemberi - WHO

Dragone kolegale!

Tela kado linko shaj reses le 2-to avri dipe le romenge sastyimaske nyevimasko lil, so iskirindas o WHO Regional Office for Europe.

Klikkelin kathe thaj opre shaj iskirisarestu te xutres automaticka kadale nyevimasko lil.

RomaHealthNetwork

Nyevo FRA pilot programo – pushle pel Rom

Le roma si la Europako majbaro minoriteto 10-12 milliovo manushenca – v’adyes shaj resel diskriminacija thaj socialno avri phandipe; thaj von chi zhanen sa hakaja, so le EU garantalil lenge, sar le Racialnone Egalitetoski Direktiva. Kado reporto prezentalil le anglune rezultura so le FRA Roma plot rodipe thaj le UNDP/World Bank/European Commission rodipe kerdas ando bersh 2011.

Shaj cirdes tele o dokumentumo pe kado LINKO.

Shavorikane nasvalimata mashkar le Roma

Plankeras te keras jekh separalime forumo le Vaccine Preventable Diseases (VPDs)-eske, ke but zhanimaske butya kodo phendas, ke but romane shavora rakhadyol shavorikane nasvalimatonca andej Europa.

Pe kado LINKO kamasas te lelas sama pe kado interesno reporto, kaj shaj rakhes but lashe linkura, phenas jekh iskiripe, so e Zsuzsanna Jakab, WHO regionalni direktorica iskirindas.

Le romenge valasura kodo phendas andej Belgrada, ke maj cerra kaj le shavorenge 15 procento xuterdas immunizacija mamuj e rubeola. Udyankado lil vi kodi sikavel, ke le immunizacija mamuj difterija, pertussis thaj tetanus (ku DTP vakcina) si numa 16.7 procento, thaj numa 16 procento xuterdas oral polio vakcina.

Le grupongo majoriteto pharoj te resas. Kasave grupura baro rizikoj thaj ushores zhanen te rispisaren le VPD-ura andej bigranyicake Europaki Unija.

Majbut shaj ginaves, te kames, pala kadala butya, kathe shaj reses le Global Measles & Rubella Strategic Plan 2012-2020.

Te si varisosko hasnime informacija pala kadi tema, shaj ulaves perdal e RomaHealthNetwork-eske andrutni lilengi sistema, vady shaj kontaktalis le Moderatorenge Gruponca.

Moderatorengo Grupo

Le RomaHealthNetwork-esko prezentacijako dyes

Baxtales shaj informalinastu pe kodo, ke le RomaHealthNetwork-esko prezentacijako dyes lel than ando 2012. oktoberi 25-to dyes, ande la Pechako Sastyarengi Shkola.

Le virtualno xudro phuterdyilas ando 2012. februari 25-to dyes. Datuchara kontaktalinas majbut ke dujshela profesionalne manushenca, save erdeklinpe le romengi integracija, thaj opre shutam but shela artiklura, pecimata, organizaciji kmd.

Akanak 31 registralime membrura si anda 11 thema pe RomaHealthNetwork. Unyi organizaciji, save si kopchimo le romenca, direktno linko shutas opre pe peske webriga.

Klikkelin KATHE te reses le pecimaski galerija.

 

Moderatorengo Grupo